DIE een is vir die OUERS!

Ons is baie opgewonde oor ouer hoëtoubane en kan nie glo dis net 19 dae weg nie!

Ons gaan vir elke student `n uitnodiging gee wat vir jul as ouers se oë ook bedoel is. Daar is ook `n mail gestuur met meer info op en as jul nie hierdie ontvang het nie – comment gerus hier saam met jou email adres en ons stuur dit aan!

Prys is R250 pp wat spring(hoed ingesluit) en R40 vir almal wat nie gaan spring nie. Meta studente gratis! Jou hele familie is welkom!

Ons het julle hulp nodig om die dag ‘n sukses te maak en vra ons dat julle so gou as moontlik by Mia sal bevestig of julle kom en hoeveel uit julle familie kom. Julle kan telefonies 012 333 5246 tussen 08:00 en 14:00 of per epos mia@doxadeo.co.za of ons sal lyste in die klas ook omstuur wat die studente moet invul.

Ons vra dan ook dat julle so gou as moontlik julle gelde sal begin inbetaal. Die gelde kan julle in die huidige Metamorpho rekening inbetaal. Let net op die verwysings asb –HTB en jou naam en van. Dit is baie belangrik dat julle die bewys van betaling sal deurstuur na ons kantore, sonder ‘n bewys van betaling kan ons nie afmerk of julle betaal het of nie. Die verantwoordelikheid berus dus op julle om ‘n bewys van betaling deur te stuur.

Die 25ste Mei gee ons die studente af van klas en kans om by universiteite ens te gaan inskryf vir volgende jaar en dus is julle welkom om die dag te vat om bv. Potchefstroom toe te ry. Dit sal vir ons `n groot wen wees as almal daardie dag hul inskrywings kan finaliseer of selfs net die bal aan die rol sit vir 2013!

The body is a community made up of its innumerable cells or inhabitants.
Thomas A. Edison

Ons het al baie die stelling gehoor: “no man is an island” , maar tog met die tempo van ons leefstyl , ekonomiese druk en net algemene gevoel van dat alles moet vinniger en beter die heeltyd voel ons baie keer juis dat ons op ons eie eiland sit en net als daar bymekaar moet hou.

In Metamorpho leierskap en in Doxa Deo in geheel is dit vir ons egter BAIE belangrik om konstant “community” te skep. As liggaam van Christus het ons mekaar nodig en is Sy hart vir ons dat ons saam met die ander dele van die liggaam in eenheid sal wees.  

Ons almal ken daai gevoel wanneer jy haastig is die oggend om uit die huis te kom betyds en dan wraggies stamp jy jou toon nog teen `n kas! Die HELE liggaam lei daaronder en dit voel asof als die pyn van die toon beleef…net so is dit met  iemand wat in ons gemeenskap seerkry – almal lei eintlik daaronder!

Ons sien elkeen van julle  ouers as deel van ons gemeenskap en dus wil ons vra as daar enige een van julle is wat deur `n moeilike tyd gaan en net vars perspektief of selfs net `n oor nodig het wat luister dat julle ons sal kontak.

Carlos Coveiro, Metamorpho se hoof sal graag met jou in kontak wil tree as jy deur `n moeilike tyd gaan. Voel vry om Moot Kampus te kontak en daar `n afspraak met sy assistant te reel. Die nommer daar is: 012 333 5246 en jy kan net noem jy is `n Metamorpho ouer wat hom wil sien.

Communication leads to community, that is, to understanding, intimacy and mutual valuing.
Rollo May

Dis lekker om saam met elke student te droom oor hulle toekoms en te sien wat God hulle als mee toegerus het om so Sy koninkryk te bou. Onthou die 3de Junie se ouerdag waar ons dan ook hierdie opsommings met julle as ouers wil deel.

Meta Groete

 

Die toekoms is NOU!!

Die toekoms is NOU!!

“As simple as it sounds, we all must try to be the best person we can: by making the best choices, by making the most of the talents we’ve been given. “ Mary Lou Retton

Elke Metamorpho student het die kapasiteit om `n goeie besluit te neem – net deur te gekies het om hierdie jaar in hulleself te belê en hul Skepper beter te leer ken wys dat hulle die lewe met wysheid benader. Dus wanneer ons hierdie volgende week Beroepsleiding intree is dit ons as Coaches se rol net om die studente die ligbakens uit te wys van die paadjies wat hul kan kies.

Ons maak hulle bewus van dit wat klaar binne hulle is en maak net `n paar opsies saam met dit oop.

Dis vir ons baie belangrik dat julle as ouers deel is van hierdie proses en dus het ons die 2de Junie `n ouerdag waar ons met elke student en ouer vir `n halfuur gaan sit om die beroepsleiding verslag te bespreek. Ons sal meer inligting nader aan die tyd gee , maar maak seker hierdie datum is oop! `n Lys gaan beskikbaar wees waar die student kan bespreek watse tydgleuf jou en die student beide die beste sal pas.

Die dag daarna het ons ouer hoëtoubane!!

Ons is nie seker wie meer uitsien nie – die studente of die ouers? Hierdie dag is een van ons hoogtepunte vir die jaar. Die ouers gaan die geleentheid kry om te beleef waardeur die student gaan op een van hul kampe! Dit bring ook groot opgewondenheid by die studente omdat die ouers ‘n “glimpse” kry van wat die studente beleef deur die jaar.

Ons almal gaan vir die dag saam na Toppieshoek in Hartbeespoortdam vir die Hoetoubane ervaring en groot familie piekniek. Dit gebeur op 3 Junie vanaf 08:00 tot 16:00 by Toppieshoek, Hartbeespoortdam en die hele familie is welkom. Julle sal binnekort ‘n uitnodiging ontvang per epos, so kyk uit vir dit!

Kostes: R250 pp wat gaan spring(sluit ‘n unieke Meta hoed in)

R40 pp ingang vir die wat nie spring nie, net kom piekniek.

Meta studente ingang is verniet!

Bring sommer julle eie piekniekmandjies vir middagete. Almal wat gaan spring die dag, gaan ook ‘n spesiale Meta hoed kry wat by die prys ingesluit is. Kyk uit vir die epos met die uitnodiging en ander detail rondom besprekings en betalings, maar hou solank die datum oop!

 25 Mei het ons ook weer `n opedag vir 2013 studente en maak seker dat alle moontlike kandidate hiervan weet!

Die studente het ook `n huisbegrotings opdrag gekry waar hulle as groep realistiese navorsing gaan moet doen oor wat dit alles behels om deesdae `n huisgesin te “manage”. Vra hulle bietjie uit hieroor! Ons sien elke jaar hoe studente hierna sommer `n nuwe waardering vir hulle ouers ontdek!

Die afgelope naweek het Metamorpho gehelp by Bulletjie Dag wat op Loftus se velde plaasvind. Daar was min of meer 5000 Bulletjie rugbyspelers gewees! Die studente het waarlik Vodacom se hande sterk gemaak en gewys dat hulle nie bang is vir harde werk nie. Dankie aan elke student wat hard gewerk het en glimlagte op klomp gesigte gesit het – letterlik! Geniet die week!!

Meta Groete!

These boots were made for walking!

Of jy ken vir Fanie, of jy leer hom ken…2012 se studente kan nou saam met honderde ander oud – Metas getuig dat hulle hom goed bevriend geraak het!

Verlede Dinsdag was die studente dou voor dag op die bus saam met hulle beste vriend vir die week – hul stapsak!

Werner se familie – nou beter bekend as die ‘CLOVERS’( Christ Lovers) – het van die bus af toon geklap reguit in die roete in. Die son het lekker geskyn en soos Fanie maar doen, verwelkom hy mens met `n stewige opdraende. Eugene se familie – nou beter bekend as die ‘OLEANDERS’( – kon vir Fanie sit en dophou om `n lekker braaivleis vuurtjie, reg om hom die volgende dag aan te pak!

Dag 2 van Fanie Botha laat mens amper iets verstaan van Psalm 23 waar hy se: “Even when the way goes through Death Valley, I’m not afraid when you walk at my side. Your trusty shepherd’s crook makes me feel secure.” Hierdie dag behels `n asemrowende roete deur `n vallei wat bekend staan onder ervare stappers as die feetjie woud. Soos dit maar in die lewe werk moet mens soms deur moeilike goed gaan om die mooi te waardeer en hierdie dag se beloning vir die fisiese uitputting is gelukkig die mooi riviere, `n waterval weggesteek in die berg en die mooiste groen woud!

Hierdie dag is ook die dag waar die wat voel die stap is nie uitdagend genoeg nie, kan afspring by al wat `n waterval of oase is! `n Hele paar studente het “leaps of faith” geneem en saamgestem die ergste van dit was die yskoue water!

Die manne changerooms het `n lekker spanbou gehad op hulle manier en kan se hulle het Fanie ook op stukke uitgedraf! Die meisies het hierdie tyd ook gebruik om op hulle manier nader aanmekaar te beweeg…

Dag 3 het `n uitsig wat mens laat besef hoe klein jy as mens eintlik is en terselftertyd dat ons `n groot God ken wat bo elkeen van ons situasies heers. Die CLOVERS het hierdie dag in baie digte mis aangepak en dit het eintlik meer gevoel hul klim die Kilimanjaro roete! Dit was wel `n spesiale ervaring en asof God hulle in Sy kombers kom toevou het. Die OLEANDERS kon hier wel die uitsig beleef en dit was een vir die boeke! Die OLEANDERS het bietjie meer gladder omstandighede beleef op die roete, omdat daar `n lekker donderstorm op Dag 2 se aand was. Gelukkig was daar geen ernstige beserings nie en het hul dit met styl gestap!

Elke student het die hele roete met hul gunsteling blikkie koeldrank gestap en kon dit op die einde van die roete as familie saam oopbreek – “the sound of victory!”. Hierdie is om uit te beeld dat soms gaan ons deur berge en dale moet gaan en daar gaan groot uitdagings wees, maar dat die beloning dan die moeite werd is en sommer soveel soeter is!

Hierdie was `n fantastiese staptoer en die families is definitief nader aanmekaar – hoe dan nou anders as jy mekaar se oggend asempies en deurmekaar haartjies elke oggend sien? Nog nie eers gepraat van mekaar motiveer oor die hoogtes nie!

Aan al die OLEANDERS, onthou: “Hier kom `n boom, boom, boom!” Ole, Ole, Ole, Ole-anders! CLOVERS….”ouwieeee!!” en “hey, hey, hey!!!(in snaakse, harde Werner aksent!);-)

Dis so lekker om die twee families se kulture nou te sien groei en dit maak die hele groep se gees ook net soveel ryker!

Die week skop môre af met normale klas van 13:00 – 17:00 en ons sien uit na hierdie lekker besige kwartaal. Hierdie kwartaal gaan ons bietjie gesels oor roeping, beroep en ook die potensiaal wat in elkeen lê. Ons het ons ouerdag waar ons lekker saam elke ouer en student gaan sit om hulle te help sien waarheen is hulle oppad. Hoëtoubane lê voor en dan ook die Ouer Hoëtoubane waar ons graag saam met die families wil kuier. Let wel dat hierdie komende Maandag, die 30ste April `n skole vakansiedag is en dus het die studente geen klas hierdie dag nie. Hulle sal die 2de Mei weer klas he om 08:00 die oggend.

Daar sal hierdie kwartaal ook weer klerebestellings wees – die laaste bestellings moet voor einde Mei ingedien word om te verseker die klere is hier voor die vakansie.

Ons hoop elke student het lekker uitgerus en ons is opgewonde om te sien wat die Here gaan openbaar hierdie kwartaal! Ons vra dat jul sal aanhou bid vir die studente…

Jas 5:16 Make this your common practice: Confess your sins to each other and pray for each other so that you can live together whole and healed. The prayer of a person living right with God is something powerful to be reckoned with. (MSG) Meta Groete!

Loer oor ons skouer…

Time flies when you are having fun!

Hierdie is nou een jaar wat voel asof dit in `n Grippen Jet gevlieg word – teen vyf keer die spoed van lig!!

Ons loer oor ons skouer na die eerste kwartaal en kan nie anders as om alle eer aan `n getroue Koning te gee nie! Hyt soveel keer ons verwagtinge kom oortref en deur nou al “stocktake” te doen van wat al in die studente se lewens gebeur het, maak ons net meer opgewonde vir die res van die jaar!

Tydens die afgelope paar dae was Metamorpho betrokke by ELEOS: `n organisasie in Pretoria-Wes wat ondersteuning bied aan die gemeenskap op `n verskeidenheid van maniere. Ons was spesifiek betrokke by die Ma – en Babasentrum wat ma`s nie net help met voorsiening van fisiese behoeftes soos doeke, melk , klere en speelgoed nie, maar ook met emosionele bystand. Hier word ma`s gehelp met “life skills” en ook praktiese advies gegee hoe om hulle kinders te ontwikkel.

Daar is `n massiewe hout klimraam geborg en hy moes van Silverlakes gehaal word en weer geplant word by die sentrum.  Verskriklik baie klere is ook al aan die sentrum geborg, maar nog nooit uitgesorteer sodat die ma`s vinnig en effektief gehelp kon word nie. Die pophuis was besig om inmekaar te sak en klomp speelgoed was baie vuil en soms ongebruik a.g.v daai rede. Die tuin was ook  woes, maar verseker nie leeg nie!

Die studente het dadelik ingespring en ons kon sien dat hul die waarheid oor die waarde van die mens en om van “concern to compassion” te beweeg absoluut vasgemaak het in hulle harte! Hulle het nie net hard gewerk nie, maar ook besef mens kan prêt he terwyl jy dit doen. Dankie aan elke student – daar is verseker `n massiewe verskil gemaak en die vrouens van die gemeenskap het sommer gegons van bewondering oor hoe die studente so hard werk!!

More is die laaste dag van klas voor ons weer afskop vir `n nuwe kwartaal die 10de April! Dis ook die grand finale van die Base Training Program en ons sien wel dat dit `n verskil gemaak het!

Siende die studente weer onder die ouers se vlerke inbeweeg, het ons dit goed gedink om net weer die benodigdhede vir die staptoer ook deur te gee:

(Belangrike info is ook op Bl. 202 – 204 in die handboek!)

• Stapsak
• Splash cover
• Slaapsak
• Stap skoene – hierdie moet dringend uitgeloop word tydens die vakansie as dit nog nie is nie!
• Lekker dik stap kouse
• Reenjas – dis heel moontlik dat dit gaan nat wees…
• Swemklere
• Basiese toiletries – in miniatuur vorms verkieslik
• Sonbrandroom en Lip Ice
• Lekker hoed!
• Gasstofie – kan so tussen drie mense gedeel word
• Dixi potjies en eetgerei wat klein en lig is
• `n Lekker waterbottel of twee
• Aanmaak energie koeldrank bv. Game
• Notaboek en klein Bybel
• Kopflits of `n ander vorm van lig
• Pleisters en antiseptiese salf
• Kos: redelik klaargemaakte kosse en hoog op energie!

Daar is meer detail in die handboek en voel vry om op Facebook vrae te vra of selfs net die coaches te bel.

Mag elke gesin hierdie paastyd as massief spesiaal ervaar! Geniet elke oomblik saam en “BE THERE!” (vra die studente meer oor hierdie stelling!). Dis ook `n tyd vir ons om net weer te fokus op die groot geskenk wat ons Vader ons kom gee het : Vryheid en verhouding met Hom!!

O ja: geniet die lekker paaseiers ook!

Meta Groete!

Goeie tye!!

Wat `n vol week was hierdie nie al sover nie! Ons het afgeskop met die ouerdag wat vir ons as coaching span ongelooflik lekker was. Ons kon sien dat die ouers dit ook geniet het net aan die lekker kuiertjies wat om die kostafels gebeur het! Dit was vir ons lekker om die ouers te ontmoet en ons is opgewonde om by die volgende ouerdag almal weer te sien en hopelik dan ook die te ontmoet wat ver buite die grense van Pretoria sit!

Ons het ook laasweek die Metamorpho hemde vir die jaar ontvang en dit lyk nie net mooi nie, maar trek ook lekker aandag!

Hier is voorbeelde van hoe dit lyk:

Die week in klas het ons begin om die studente te help besef wat dit is om die Here se stem te hoor en wat die Gawes van die Gees is. God is besig om Sy opinie oor studente se lewens hard en duidelik aan  hulle te kommunikeer en dis lekker om te sien hoe hulle uit hul gemaksones beweeg en Hom kans gee om Homself aan hulle op vars maniere te openbaar.

Ons het ook `n klein nawekie gehad in die middel van die week!

Een van die belangrikste menseregte in ons land is vryheid.

Vryheid tot spraak.

Vryheid om besigheid te doen.

Vryheid om onderrig te ontvang.

Vryheid om publieke plekke te gebruik.

Die lys gaan aan! Om menseregte dag te vier herhinner ons aan die waarde van die mens en dat elkeen regverdig en gelyk behandel behoort te word. Dis `n dag om dankbaar te wees vir die vryheid waarin ons leef. Nog meer vir ons as kinders van God wat `n dieper vryheid ken! Wat doen ons met daai vryheid?

Gal 5:13  It is absolutely clear that God has called you to a free life. Just make sure that you don’t use this freedom as an excuse to do whatever you want to do and destroy your freedom. Rather, use your freedom to serve one another in love; that’s how freedom grows.

Ons weet elke student (en coach) het die dag af geniet…al voel vandag weer soos `n Maandag was dit die moeite werd!

Volgende week is dan ook die laaste week van base training en ons vermoed `n paar studente gaan bly wees om nie hul wekker vir 05:00 die oggend te stel nie! Ons sal graag wil sien dat die studente self aangaan met `n oefen skedule om te verseker hulle tap die meeste uit die kampe ook uit.

Ons herhinner die ouers en studente aan die Boknes spaarplan. Die studente kan maandeliks dit in die Metamorpho rekening inbetaal met hul naam en Boknes as verwysing.

Hou die pers dop vir nog inligting en veral volgende week wanneer ons weer `n projekte week aanpak!

Meta Groete!

Gung Ho 2012

Toe die studente aan die begin van hul orientering vir Sqoover ( die legendariese Metamorpho mascot) ontmoet het, het hulle nooit gedink dat dit waarvoor hy staan so deel gaan word van hulle karakter nie!

Sqoover bestaan uit die drie beginsels van Gung Ho: The Spirit of the SQuirrel, The way of the beaVER en The gift of the gOOse = SQOOVER!

Gung Ho was net soos ons mascot; legendaries! Hulle het gister afgeskop met `n familie draf sessie en het dadelik besef “there is no I in TEAM!”

Spirit of the Squirrel is verduidelik en daarna is hulle oor na vlotbou waar als toe nie so vlot verloop het soos hulle verwag het nie…elke familie het `n sekere tyd  gehad om `n vlot te bou wat moet kan dryf en wat die aantal groepe in elke familie deur die dam en terug sou hou. Dit was gelukkig nie die tweede Titanic nie, maar dit het verseker amper so gelyk! Die studente het wel geleer wat is “worthwhile work” en dat alles wat jy doen het `n impak op iemand anders.

Volgende was dit The way of the Beaver. . .die studente het ook bietjie speurwerk moes doen en uitvind wie was die “spy” met die “I – Spy challenge”…hier is `n groot les geleer omtrent vertroue en kon die studente met `n nuwe “skill” Literia baan toe. Hier is kommunikasie, probleemoplossing en elkeen se rol in die span bietjie getoets

Ons het seker gemaak ons het opwinding vir die nagdiere onder die studente ook! Hierdie aand was belangrik omdat daar vertroue moes geplaas word in mekaar op `n nuwe vlak. Deur die aand het hulle geleer hoe belangrik kommunikasie is – veral as dit nie-verbaal moet gebeur!

Dis maklik om karakter te toon as jy op en wakker is en jou magie vol, maar wat van 2uur die oggend? Ons het besluit om `n verrassings besoek te doen juis om te sien watse tipe skepsels ons mee te doen het…

Elke spanlid het `n rol om te speel en dis ongelooflik belangrik dat elkeen hul rol verstaan en dit ten volle uitleef om te verseker dat die doel bereik word. Kommunikasie is nie net om jou sê te sê nie, maar dit help om veiligheid te skep en dus vertroue te kweek. Die studente het tydens die Mik-en-druk oefening en Memory Maze die teorie van die twee konsepte lekker kon toepas.

Gift of the Goose is laaste maar nie die minste! Hier is die studente geleer dat om die vordering te “cheer”/ te “quack” belangriker is as om die resultaat te “cheer”! Dit was nodig vir die grand finale: hindernisbaan in legendaries Gung Ho styl!! Die leiers het die studente help demonstreer wat dit is om bietjie bosch te gaan om so `n groot taak aan te pak en is ons emmers gelaai met modder en water.  Elke span het `n doelwit gestel vir hierdie uitdaging en elke liewe span het dit bereik! Dis waarlik iets om op trots te wees!

Soveel keer veroorsaak sekere lewenservarings dat ons onsself in `n seker boksie plaas en so ook onsself beperk om waarlik uit te vind tot wat  ons toe in staat is. Ons sien ook onsself net in hierdie boksie en raak amper gemaklik daarmee. Dit is so `n voorreg om te beleef hoe elke student hul boksie stukkend geskop het die afgelope twee dae en besef het daar is meer in hulle as wat hulle gedink het. Hulle het in mekaar die goud begin raaksien en begin glo hulle het iets om te bied, maak nie saak in watse span opset hulle is nie. Nuwe vriendskappe is gevorm en vooropgestelde idees oor mense eenkant toe geskuif.

Ons is trots op elke liewe student en gee een groot quack aan elkeen…onthou: gaan bosch!!

Foto`s s sal volg op ouerdag en miskien sal ons more selfs nog sneak peaks gee! Hou die Facebook page ook dop…

Meta Groete!

Gung Ho en Ouerdag reelings

1Th 5:5  “You’re sons of Light, daughters of Day. We live under wide open skies and know where we stand.” ( The Message)

Hierdie afgelope week het elke student hul lewens oopgemaak en elke skuld, skaamte en seer gedeel en in die lig gebring. Ons besef dat dit baie moed vat en ons is so opgwonde oor die feit dat God alles wil kom genees! Solank ons in die lig lewe, het donkerte GEEN vashou plek nie!

Die tipe van openheid en lewe deel met mekaar, bring die families baie nader aan mekaar. Met Gung Ho om die draai weet ons dat nuwe vriendskappe gaan ontdek word, karakter gebou gaan word en waarheid openbaar sal word oor die potensiaal in elke student!

Ons gee graag bietjie meer inligting oor die Gung Ho reelings…

Die busse sal Maandagoggend om 05:30 by Brooklyn Kampus wees waar ons gaan begin pak om dan 06:00 te vertrek. Dis nogsteeds `n vereiste dat die studente die Sondagaand by die kommune slaap. Dailies is welkom om ook by die kommunes oor te slaap waar hulle ingeskakel het. Ons sal die Dinsdagaand tussen 18:00 en 20:00 terug wees by Brooklyn kampus. Die studente sal wel die ouers kan laat weet oor die presiese tyd daardie middag.

Hier volg die lys van benodigdhede vir elke student:

Eetgerei

Slaapsak

Toiletpapier

Notaboek en pen, Meta   Handboek

Ou klere vir 2 dae

Swemklere

Geen makeup

Kameras

Handdoek

Tekkies

Sonbrandroom, hoed

Eie snacks, waterbottel ens.

 

Kleredrag vir hierdie kamp? Definitiewe KAMP klere!:-) As jy `n student is en gedink het jou Guess jean gaan saam, wel, guess again! Hier gaan jy verseker vuil word!

Dan het ons `n ouerdag die 17de Maart waar ons as coaches graag die ouers wil ontmoet en saamkuier. In ons vorige blog het ons genoem dat dit by Brooklyn kampus sal plaasvind. Dit het egter verander…

Die ouerdag op 17 Maart skop af om 09:00 by MOOT KAMPUS (waar Metamorpho se opening was). Dit sal duur tot en met 12:00 op die laatste.

Ons vra dat die ouers asseblief vir jul kinders sal sê so gou as moontlik of jul gaan bywoon en ook hoeveel van jul gesin sal kan bywoon.

Dankie vir al die ondersteuning en betrokkenheid!

Meta Groete!